IV CERTAME DE RELATO CURTO

A FANPA convoca un ano máis o seu certame de relato curto dirixido a alumnos do sistema educativo público, divididos por idades, e aos adultos que participan directamente nese sistema (familias e profesorado).

Cartel oficial do certame

Os relatos, de tema libre, terán entre 200 e 300 palabras, en Times New Roman, tamaño 12 e interlineado 1'5. O prazo remata o vindeiro 29 de febreiro.

Os premios consisten nun vale de 200 €, un lote de libros de Kalandraka, un xogo e unha lámina autenticada pola ilustradora Belén Padrón, para cada unha das categorías de idades.

Só nos queda ao equipo da biblioteca animar a todos os alumnos, familias e profesorado a participar no certame cun relato orixinal e interesante. 

Se queredes máis información, consultade o enderezo do certame.

DÍA MUNDIAL DA XUSTIZA SOCIAL - 20 DE FEBREIRO

O 20 de Febreiro é o Día Mundial da Xustiza Social, un momento ideal para traballar sobre as desigualdades e os valores de tolerancia, respecto e convivencia. Para reflexionar sobre este dia aconsellamos a lectura de unha novela que aposta pola convivencia como valor máis importante para previr as desigualdades sociais e lograr un mundo máis xusto.

GÓMEZ CERDÁ, Alfredo: Sin máscara. SM, 2005.

Esta novela de 144 páxinas entusiasma desde o comezo. Nun principio, a relación entre Roberto e Lúa parece difícil de concibir. El é un mozo de boa familia e ela vive nun barrio obreiro de Madrid. Con todo, namoraranse e a súa relación, sincera e honesta, servirá de contrapunto a un mundo duro, cheo de hipocresía, onde cada persoa non é o que parece. Parece unha novela de amor pero é moito máis.